Forval fyrir sýninguna Myndir Ársins 2006 fór fram nú um helgina. Dómnefndina skipuðu þau Kjartan Dagbjartsson sölustjóri hjá Nordic photos, Max Houghton ritstjóri 8 Magazine, Christopher Lund ljósmyndari og Pétur Thomsen ljósmyndari. Dómnefndarinnar beið það erfiða verkefni að fara yfir 1294 innsendar myndir og velja úr bestu myndirnar í hverjum flokki sem verða að finna á sýningunni sem fram fer í Gerðarsafni þann 6. marsnæstkomandi. Á opnuninni á sýningunni verða veitt verðlaun fyrir bestumyndir ársins og flokkarnir sem veitt eru verðlaun í eru eftirfarandi:

- Mynd ársins

- Fréttamynd ársins

- Íþróttamynd ársins

- Portrettmynd ársins

- Umhverfismynd ársins

- Tímaritamynd ársins

- Daglegt Líf mynd ársins

- Myndasería ársins

- Skoplegasta mynd ársins