Nú stendur yfir í Kringlunni sýning á fréttamyndum sem spannar þau 110 ár sem Blaðamannafélagið hefur verið við lýði. Á sýningunni er að finna 40 ljósmyndir eftir næstum jafn marga ljósmyndara. Það er fyrrum formaður Blaðaljósmyndarafélagsins, Þorvaldur Örn Kristmundsson, sem hafði yfirumsjón með sýningunni og má finna stutt viðtal við hann á mbl.is þar sem segir skoðun sína á hver áherslan virðist vera í myndatökum hjá blöðum og tímaritum í dag. "Fjölmiðlar í dag, blöð og tímarit, þeir leggja ekki áherslu á ljósmyndir lengur. Þeir leggja áherslu á að mynda gardínustangir og kleinur." Og það er nokkuð til í þessu hjá honum. Hvet alla til að kíkja við á þessari sýningu og hún mun einnig stoppa við á Akureyri eftir um tvær vikur. Verður hún þar til sýnis í bókasafni Háskólans á Akureyri.