Forval fyrir sýninguna Myndir Ársins 2006 fór fram nú um helgina. Alls bárust 2497 myndir í forvalið og af þeim voru valdar 209 myndir sem verða að finna á sýningunni sem fram fer í Gerðarsafni þann 17.febrúar næstkomandi. Einnig kemur út bók samhliða sýningunni og er það Edda útgáfa sem sér um útgáfuna á henni. Á opnuninni á sýningunni verða veitt verðlaun fyrir bestu myndir ársins og flokkarnir sem veitt eru verðlaun í eru eftirfarandi:
- Mynd ársins
- Fréttamynd ársins
- Íþróttamynd ársins
- Portrettmynd ársins
- Landslagsmynd ársins
- Tímaritamynd ársins
- Daglegt Líf mynd ársins
- Myndasería ársins
- Skoplegasta mynd ársins
- Þjóðlegasta mynd ársins

Í dómnefndinni þetta árið sátu þeir Terje Bringedal frá Noregi, Ari Sigvaldason og Bjarni Eiríksson.